2026 оны Хөл бөмбөгийн дэлхийн аварга шалгаруулах тэмцээний (ДAШТ) шигшээ тоглолтын завсарлагааны үеэр Канадын дуучин Жастин Бибер уран бүтээлээ толилуулахаар болсон тухай Олон улсын хөл бөмбөгийн холбооны (ФИФА) хэвлэлийн алба мэдээлжээ.
Жастин Бибер ДАШТ-2026-гийн шигшээ тоглолтын завсарлагын шоуг чимэх уран бүтээлчдийн эгнээнд ийнхүү нэгдэж байна. Уг шоунд мөн попын хатан хаан гэгддэг Америкийн дуучин Мадонна, Колумбийн нэрт дуучин Шакира, Өмнөд Солонгосын алдарт BTS хамтлаг оролцох юм.
АНУ, Канад, Мексик улсууд хамтран зохион байгуулж буй ДАШТ долоодугаар сарын 19-нд дуусах бөгөөд аваргын төлөөх тоглолт АНУ-ын Нью-Жерси муж улсын Ист-Ратерфорд хотын “Метлайф” цэнгэлдэх хүрээлэнд болно.
