Залуу уран бүтээлч С.Жаргалмаагийн “НАРТАЙ БОРОО” уран бүтээлийн анхны бие даасан үзэсгэлэн Blue Moon арт галерейн үзэсгэлэнгийн танхимд 2014оны 09.02-08-ны хооронд дэлгэгдэж та бүхний оюуны мэлмийг баясгах гэж байна.
2012 онд СУИС-ын Дүрслэх урлагийн сургуулийг Д.Батмөнхийн урланд суралцаж төгссөнөөс хойш дүрслэх урлагийн салбарт хүчээ сорьж яваа залуу уран бүтээлч юм. Уг үзэсгэлэнд 30 гаруй бүтээл дэлгэгдсэн ба түүний уран бүтээлүүдээс солонго адил, тэнгэрийн орон мэт өнгөний зохицол нь хүүхдийн гэгээн хүсэл, өөдрөг төсөөлөл өөрийн эрхгүй ажиглагдах ажээ.
Оргилуун хүсэл, дэврүүн мөрөөдлөөр жигүүрлэсэн залуу зураач бүсгүйн бүтээлүүд амьдралыг хичнээн өнгөлөг амттай илэрхийлсэнийг “Candy” хэмээх нэртэй хэд хэдэн бүтээлүүдээс та харж болох бөгөөд өөрийн амтыг мэдрэхийг урьж байна.
Үзэсгэлэнгийн нээлт: 2014 оны 09 сарын 02-ны 18:00 цагт та бүхнийг хүрэлцэн ирэхийг урьж байна.
