“Blackpink” хамтлагийн гишүүн Rosé болон “Puma” брэндийн хамтын бүтээл болох шинэ “Puma x Rose Speedcat Ballet” пүүз албан ёсоор худалдаанд гарлаа. Загварын хорхойтнууд болон Rosé-гийн шүтэн бишрэгчдийн дунд асар их хүлээлт үүсгээд байсан энэхүү загвар эрэлт өндөртэй байгаа тул түгээмэл хэмжээ нь богино хугацаанд дуусах төлөвтэй байна.
Энэхүү пүүз нь “Puma”-гийн алдарт “Speedcat” загварыг балетын гутлын хэв маягтай хослуулсан бөгөөд намхан ул, дугуй хоншоор, туузан үдээс зэрэг эмэгтэйлэг детальтай. Rosé-гийн өвөрмөц хэв маягийг тусгасан энэхүү цуглуулга нь спортлог, дэгжин төрхийг нэг дор бүрдүүлжээ.
Пүүз нь цагаан, хар, ягаан өнгөний хослолтой бөгөөд Rosé-гийн нэрийн шошго, тусгай хайрцаг болон үдээс зангидах зааврын хамт ирэх аж.
