Цахим хуудасыг хэрэглэгч олон болсон энэ үед хэн дуртай нь бусдын нэрээр фэйсбүүк нээж лайк цуглуулж, өмнөөс нь элдэв пост нийтэлж олон нийтийг төөрөгдүүлд оруулах явдал газар авсан. Олны танил дуучин, жүжигчин хүмүүсийн нэрийг барьж хуурамч хаяг нээгч нар бусдыг хууран мэхэлж буйгаа мэддэгүй. Тухайн хүн нь ийм хаяг байна, миний албан ёсны хаяг энэ шүү гэж хэлэхээс нааш нэрийг худалдаж идсээр байдаг. Сайн хүний нэрийг мянга худалдаж иддэг гэдэг үг бий.
Тэгвэл хүний нэр худалдаж идэгчид П.Анужингийн нэрээр хуурамч цахим хаяг нээж 29 мянган лайктай. Энэ хуудас хуурамч гэдгийг “Монгол тулгатны 100 эрхэм” нэвтрүүлгийн хөтлөгч П.Анужин өөрийн твиттер хуудаснаа “Миний нэртэй П.Анужин гэсэн фейсбүүк хуудас миний өөрийнх биш. Хүний өмнөөс хариулж бодох хүндхэн ажлаасаа хөтлөн ирсэн эрхэм та амардаа. Танд баярлалаа” хэмээлээ.
Д.Ана
