Хөвсгөлийн цаатангуудын нууц амьдралыг харуулсан “Содура” кино хийгдэж байгаа талаар кино урлаач, тоглож байгаа жүжигчид нь хоёр жилийн өмнөөс ярьж байсан. Тэгвэл уг кино хэдхэн хоногийн өмнө нээлтээ хийж, кинотеатруудаар гарч байгаа билээ. Уг кинонд дүр бүтээсэн жүжигчин Ц.Батхуяг буюу Амбийгийн бие киноны нээлт болохоос өмнө чилээрхжээ.
Кинонд хамт тоглосон уран бүтээлчид нь “Амбий ах аа, өвдөж болохгүй шүү. Таны хүсэн хүлээсэн кино тун удахгүй нээлтээ хийж, сайхан үйл явдал болох гэж байгаа тул тэсээрэй” гэх сэтгэлийн үгсийг түүнд илгээж, тус дэм болж байсан гэнэ.
Гэртээ хэвтэж байсан Амбийг түүний найз, Гавьяат тамирчин, боксчин Т.Үйтүмэн гэрт нь очиж тордсон бөгөөд өөрийн гараар тойгны шөл хийж өгч тордон, арчилж босгож ирсэнд Амбий ихэд баярлаж суугаа аж.
