Эх орон, ээж аав, элгэн түмнийгээ магтан дуулсан олон гайхалтай бүтээлүүд нь Монгол туургатан даяар хит болон эгшиглэсээр байгаа “Хурд” хамтлаг сонсогч фенүүддээ зориулан шинэ уран бүтээлүүдээ танилцуулж эхэлсэн билээ.
Сүүлийн жилүүдэд "Хурд" хамтлагийн урын санд 20 орчим шинэ дуу мэндэлсэнээс эхний ээлжинд 8-н дууг сонгон авч “ETV” телевизийн хамт олонтой хамтран "Нарлаг диваажин" хэмээх шинэ уран бүтээлүүдээ танилцуулах төслийг сар гаруй хугацаанд хэрэгжүүлэхээр болсон тухай мэдээлж байсан.
"Нарлаг диваажин" төслийн хүрээнд 8-н дууг долоо хоног бүр цувралаар ирэх 12-р сарын дунд хүртэл “ETV” телевизээр гаргах бөгөөд хамгийн анхны уран бүтээл нь "Нарлаг диваажин" нэртэйгээр та бүхэндээ хүрсэн.
Тэгвэл 20 жилийн турш тасралтгүй уран бүтээлээ түмэн олондоо хүргэсэн алтан хамтлагийн зүгээс уг төслийн хоёр дахь уран бүтээл болох "Яамайдаа" нэртэй шинэ дуугаа бэлэн болгожээ.
Ингээд та бүхэндээ "Нарлаг диваажин" төслийн хоёр дахь уран бүтээлийг толилуулж байна.
www.URLAG.mn
