Харанга хамтлагын дуучин Х.Лхагвасүрэн хар тамхины хэрэгт холбогдож, багагүй хэл аманд өртсний эцэст шинэ амьдрал зохиож, гурав дахь эхнэртэйгээ ханилсан. Хэдийгээр тэрээр салсан ч гэсэн өмнөх эхнэрүүдтэйгээ тун сайн харилцаа холбоотой байдаг гэнэ.
Гэр орон ахуй амьдралыг үүрч явах үүрэг хариуцлагыг эхнэртээ даатгадаг бөгөөд “Миний ажил арай илүү чухал. Ард түмэн намайг дуулуулах гээд байхад хажууд байгаа нь бүр илүү зүтгэх ёстой. Тэгж чадахгүй бол зам замаа бодсон нь дээр. Найз байсан нь илүү зөв” гэж хэлдэг гэнэ. Үнэхээр ч түүний хэлснээр салсан хоёр эхнэр нь Лхагваатай найз чигээрээ үлдэж, хааяа гурван эхнэр нь цугларч, Лхагвааг шүүмжилцгээдэг аж. Гавьяат дуучин маань том болсон хүү охин хоёртой. Хүүтэйгээ байнга хоблоотой байдаг ч охиноо өөртэйгээ дасгахгүй гэсэндээ тэр бүр уулздаггүй аж. Тэрээр хүүхдүүдээ зориулан гэрээслэлээ аль эрт бичжээ. Угийн гөжүүд ааштай адайр дуучин гэрээслэлдээ “Намайг үхэхээр аваачиж булна уу, шатаана уу өөрөө мэдээрэй. Бас зураг үзэхээр бол Чука ахаасаа аваарай” гэж захижээ.
