МУГЖ С.Жавхлан эхнэрийнхээ хамт шинэ жилийн ямар нэгэн арга хэмжээнд оролцохгүй гэдгээ мэдэгдсэн. Харин тэдний хувьд "Монгол өлсөх учиргүй" хандивын тоглолт хийж, орлогоороо хүүхдүүдийг баярлуулах арга хэмжээ өрнүүлсэнийг таашаах хүн олон байгаа юм.
Тэгвэл МУГЖ С.Жавхлангийн эхнэр дуучин Г.Эрдэнэчимэг цахим хуудсаар “"Монгол өлсөх учиргүй" тоглолтын орлогыг өвлийг хүндхэн давж байгаа өрх бүл болон хүүхдүүдэд зориулна. Мөн эдийн засгийн хямралтай байгаа энэ үед баяраар зарцуулж байгаа нэг л оройны тансаг хэрэглээний зардлаа хоол унд, түлээ нүүрс, дулаан хувцасгүй байгаа ядруухан яваа нэгэндээ зориулахыг монгочууддаа уриалж байна. Бид жил бүр л баяраа өргөн дэлгэр тэмдгэлдэг. Харин энэ жилдээ хөөрхөн хүүхдүүдээ баярлуулвал яасан юм бэ. Нэг хэсэг нь идэх хоолгүй даарч, хөрч байхад бид дуулж хуурдаад найр хөгжөөж явахгүй гэдгээ зарлаж байна. “Монгол өлсөх учиргүй" хандивын тоглолтонд оролцох хүсэлтэй сайхан сэтгэлт уран бүтээлчид бидэнтэй нэгдээрэй” хэмээн уриалав.
