Цуглуулагч Д.Баясгалан, Б.Болдсайхан нарын хувийн цуглуулгаас бүрдсэн зураач Сосай (Г.Содномсамбуу) агсны "Хэн бэ?" үзэсгэлэн Лилиум Галерей-Лоунжид энэ сарын 24-ний өдөр нээлтээ хийжээ. Нээлтийн арга хэмжээний үеэр зураач Сосайгийн 1960-2000 оны хооронд буюу монголын нийгмийн хоёр өөр тогтолцоог дамжин бүтээсэн шилдэг бүтээлүүд болон "Сосай ба хөгжим-бүжиг-дэлгэц" синтез зохиомжийг дэлгэн үзүүлжээ.
Энэ удаагийн үзэсгэлэнд цуглуулагч Д.Баясгалан, Б.Болдсайхан нарын цуглуулгад хадгалагдаж буй 500 гаруй бүтээлээс 89 бүтээлийг сонгон авсан бөгөөд галерейн багтаамжаас шалтгаалан бүх бүтээлийг нэг дор дэлгэн үзүүлэх боломжгүй тул үзэсгэлэнгийн хугацаанд бүтээлүүдийг 3 удаа сэлгэж тавих гэнэ.
Үзэсгэлэн ирэх сарын 21-ний өдрийг дуустал Лилиум галлерей-лоунжид дэлгэгдэх юм байна.
Т.АНУ
