Намайг орхисон цаг хугацаанд
Нартын шаргал өвгөн
Үлгэр хуучилж суугаа.
Намайг орхисон цаг хугацаанд
Намар оройн хөндүүр сэтгэл
Гуниг нэрж суугаа.
Намайг орхисон цаг хугацаанд
Нүүхдээн буйраа сахиулж үлдээсэн
Нялх багын чулуун тоглоом бий.
Намайг орхисон цаг хугацаанд
Нар цэцэгсийн шүүдрээр тоглон суугаа.
Намайг орхисон цаг хугацаанд
Намар хавар зун өвөл ээлжлэн байгаа.
Намайг орхисон цаг хугацаанд
Нам өндрийн ялгаа арилж
Надад дурласан сайхан эрийн цээжинд
Хэн нэгэн эрхлэн байгаа.
Намайг орхисон цаг хугацаанд
Нэг их цагаан үүлс нүүж
Нил яагаан өнгөөр цэцэгс ургаж байгаа.
Намайг орхисон цаг хугацаанд буцаад очихсон
Намрын мөнгөн хяруунд гутлаа норгон гүйхсэн
Яруу найрагч Т.Пүрэвжаргал
