Нэгэн цаг үед залуусыг байлдан дагуулж байсан ах, дүү таван хамтлаг өнөө орой “Мартагдашүй” хэмээх тоглолт хийхээр товлоод байсан билээ. Монголын урлагийн ертөнцөд урьд өмнө нь болж байгаагүй шинэлэг энэхүү тоглолтонд “Сүнс”, “Камертон”, “Номин талст”, “Салхи”, “GUYS” зэрэг хамтлагууд оролцох байсан ч энэ удаад хүндэтгэх шалтгааны улмаас “Номин талст” хамтлаг оролцож чадахгүй болсон юм. Энэ талаар тус хамтлагийн ахлагч Д.Батсүхээс тодруулахад “Тоглолтод хүндэтгэх шалтгааны улмаас оролцож чадахгүй боллоо. Нийт үзэгч фэнүүдээсээ хүлцэл өчиж байна. Монголын ард түмэн бидэнд тохиосон уй гашууг ойлгох байх гэж бодож байна” хэмээлээ. Учир нь тус хамтлагийн дуучин Т.Дэлгэрмөрөнгийн гэргий энэ сарын 7-ны өдөр өвчний улмаас харамсалтайгаар хорвоог орхисон билээ.
www.chuhal.mn
