Барилгачин, баргил хоолойтой А.Отгонбаярыг өдгөө танихгүй хүн үгүй бизээ. Тэрбээр "Авьяаслаг Монголчууд" шоунд оролцож 32 шилдэг оролцогчийн нэгээр үлдэж чадсан авьяаслаг залуу. Шилдэг наймд илт давуугаар үзэгчдийн саналаар ялалт байгуулан ялагчийн төлөө өрсөлдөх болсон. Тэгвэл түүнийг хагас финалд орохгүй хэмээн өөрийн саналаар гаргалаа гэх мэдээлэл цахимаар цацагдсан удаатай.
Энэ мэдээлэлд А.Отгонбаяр "Өглөөний мэнд найзуудаа. Иймэрхүү худал мэдээлэлд битгий итгээрэй. Ийм мэдээлэл цацлаа гээд хэнд ямар ашигтай юм бол? Би эцсийг нь хүртэл зүтгэх болно" гэж албан ёсны мэдэгдэл хийсэн. Тэгвэл өчигдрөөс эхлэн цахимд түүний нэрээр хуурамч фэйсбүүк нээж худлаа цуурхал тараажээ.
Тодруулбал, Миний энэ занг хүн болгон ашигладаг. Ямар ч хүн би од мод биш ээ. Халтар гудамны хар гэрийн барилгачин л хүн. яаж ч явсан тиймээрээ л байна. Тийм болохоор би зүгээр гэр хороололдоо байх ёстой" гэсэн утга бүхий постыг фэйст оруулж олонд тараав. Харин үүнийг харсан Баргил хоолойтой залуу өөрийн албан ёсны цахим хуудаснаа "Ойртох тусам сонин зүйл болох нь ээ" гэлээ. Олон нийтийн сүлжээгээр түүний нэр хүндийг унагах гэсэн оролдлого явагдаж байгаа бололтой. Монголчууд минь шившигээ тарьчихгүй юм шүү. Зуун сая төгрөгийн төлөө хүн чанараа гээж нэгнээ унагах гэж улайрах хэрэг байна уу.
Д.Ана
www.urlag.mn
