Намайг өвдөхөд надаас илүү өвддөг тэр хүнийг би ээж гэдэг
Намайг уйлхад нарыг сүүдэр дайруулж санааширдаг тэр хүнийг би ээж л гэдэг
Нартын бартаанд бүдрэхдээ дуудаад дэмнүүлдэг тэр хүчийг би ээж гэдэг
Надаас явчихвий гэхдээ хар дарсан зүүднээсээ ээжийгээ харамлан уйлдаг би
Зовлон болгоны түрүүнд жаахан ижийгээ дарь эх шиг дуудчихаад
Зол заяагаар жаргалаа ижий минь ач гэж ганц ч удаа хэлж үзээгүй би буруу үр юмаа
Болохгүй бүхний түрүүнд ижийгээ бурхан шиг дуудчихаад
Баярлалаа гэж хэлж амжаагүй би муу л үр юмдаа
Өртэй юм шиг өвөртөө намайг тээж яваа өөжин жаахан миний буурал ижий
Өндөр болоорой гэсэн ерөөл айлын хүүхдүүдэд өргөчихөөд
Өөрөө жижгэрээд л байх юмаа
Өнө мөнхийн биш энэ цаг хугацаанаас үр нь таныгаа харамлаад байна ээжээ
Жаргаж явахдаа очсон билүү би ижийдээ
Жаргачихвийдээ намайгаа орхиод ижий наран
Сайн явна гэж ижийдээ би дуулгасан билүү
Саахалтын зайгаар ижийнхээ дэргэдүүр өнгөрөөгүй л байгаасай бурхан минь . . .
н.Ундрааш
