Дөчин насанд амьдрал эхэлдэг гэдэг
Дөрвөн арав ард хэдийн холджээ
Дахин дөчин намартай золгоно гэвэл
Дөмөгхөн туулах амьдралд цаг хугацаа байна
Намрын навчис салхинд хийсдэгийг мэднээ
Нартын амьдрал дахь зовлон жаргалыг ухаарнаа
Насны намбанд бүсгүй заяа цэлмэхийг мэдэрнээ
Намба өнгө чимж,нартад ухаарлаар гоёж чаднаа
Зүрх өнчирч,тавиланд бэдрэснээ ойлгоноо
Зөвхөн чиний төлөө амьсгалж байснаа мэднээ
Өнөөдрөөр өнгөрсөнд цэг тавихаа ч ухаарнаа
Өчигдрөөр дурсамж болон төгсгөл буйг ойлгосоон.
Үдшийн саран авхай үргэлжлэх тавиланг таниулна
Өглөөний наран ээж шинэ амьдрал буйг сануулна
Миний амьдрал үргэлжилнэ гэхдээ шинээр
Магад ухаарлаар чимэглэгдэн буртаггүй байx буюу
Би дурлана,хайрлана,өөрөөрөө баpдaж, амьдралаар гоёно
Дуусашгүй жаргалд бялхам,цэнгэл тосон буй нь үнэн
Дөчин наснаас амьдрал эхэлж байна
Дурсамж бүхэн минь баяртай,бас баярлалаа
Зүрхэндээ сэтгэлийн энэрэлийг нандигная
Зөвөөр амьдралаа ухаанаар чимье
Зөрж өнгөрсөн дөчин хаврыг үдье
Зөнгөөр учрах шинэ мөч бүхнээ хайрлая…
Дөчин насанд амьдрал эхэлнээ гэж.
С.Амина
