Тиймээ хавар цаг иржээ. Тэр дундаа дуунд дуртай ард түмэн бидний хүндэтгэн сонсдог нийтийн дуучдын энэ хаврын хамгийн том тоглолт тун удахгүй болох гэж байна.
“Хаврын уянга” нэртэй арван найман аймгийн нийтийн дуучдын нэгдсэн тоглолт энэ сарын найманд 19 цагаас Монгол бөхийн өргөөнд ганцхан удаа тоглогдох гэж байна. Энэ хаврын хамгийн анхны нээлтийн тоглолтод Монгол Улсын Ардын жүжигчин А.Долгор, МУГЖ Г.Батбаяр, МУГЖ Б.Сийлэгмаа, МУГЖ Х.Үнэнхүү, МУГЖ З.Бүрнээбаяр, МУГЖ С.Ганзориг, СТА Т.Батсайхан, СТА Э.Оюумаа, СТА Д.Наранхүү, СТА О.Баянмөнх зэрэг арван найман аймгийн алдар нэртэй уран бүтээлчид хит дуунуудаа нэгэн дээвэр дор эгшиглүүлэхээр болжээ.Дашрамд тоглолтын үеэр азтай үзэгчийг шалгаруулж хурдан удмын даага болон хивс, гар утас зэрэг шагналуудыг гардуулах гэнэ.
Мөнх тэнгэрийн дор мянга мянган хавар
Монголын сайхан оронд жил жил дэлгэр
Энх улирал ханхлахад хүний сэтгэл тэнэгэр
Өвсний соёо ногоороход морь мал ханагар
Холхи нар ойртож хасын цас хайлахад
Хуучин дэлхий халагдаж хамаг юм шинэднэ
Хөрсөн мод цэцэглэж хүүхэд багачууд наадахад
Хөгшин хүн өөрийгөө залуу болсон шиг санан
Хээрийн галуу айлчлан ирж гангар гунгар донгодоход
Гэртээ суусан малчин түүнийг чанга уярна
Хажуу дахь ууланд горхи булаг хоржигнон урсахад
Хаяан дахь ишиг хурга майлалдан хөгжим нийлүүлнэ
Эелдэг урьхан амьсгал ариуханаар үнэртээд
Эрт эдүгээг бодогдуулан нуугдсан сэтгэлийг сэргээнэ
Өнөр сайхан төл баян хотыг чимэхэд
Өлгийтэй бяцхан хүүхэд эцэг эхээ баясгана.
Илүү дэлгэрэнгүй мэдээллийг: 99790286, 93014166 утаснаас авах боломжтой
www.Urlag.mn
