Монголын кино урлагт өөрийн гэсэн өнгө төрхтэй найруулагч Б.Чингүүний цоо шинэ бүтээл адал явдалт, инээдмийн, хайрын тухай өгүүлэх "ӨРТӨӨ" уран сайхны кино өнгөрсөн баасан гарагт нээлтээ хийсэн билээ.
Өөрийн гэсэн өнгө төрх, өвөрмөц хийцтэй тус киноны үзэгчиддээ шидсэн утга агуулгын талаарх түлхүүр болох трейллерээс харахад өвөрмөц зохиол, хийц шийдэлтэй нь тодхон. "Өртөө" киноны саунд Ocean Grey ая, П.Одгэрэлийн үг “Алсад ойрхон” дууг МУГЖ Б.Сарантуяа дуулж амилуулжээ. Галт тэрэг "ӨРТӨӨ" дамжин аз жаргал, итгэл найдвар, урам зоригыг тээсээр урагшилж байна.
