Манай улсын 23 сэтгүүлчид ӨМӨЗО-ны Хөх хотод айлчлан “Хятад, Монголын шинэ хэвлэл мэдээллийн хэрэгслүүдийн хамтын ажиллагааны анхдугаар уулзалт ярилцлага”-д оролцлоо. Тэд БНХАУ-ын ӨМӨЗО-ны Хэвлэл мэдээллийн байгууллагын үйл ажиллагаатай танилцах, тус орны бүтээн байгуулалт, шинжлэх ухааны ололт амжилтыг амьдрал ахуйд нэвтрүүлж байгаа байдалтай танилцаж, санал бодлоо солилцон таван өдрийн айлчлалыг хийгээд ирсэн юм.
“Хятад, Монголын шинэ хэвлэл мэдээллийн хэрэгслүүдийн хамтын ажиллагааны анхдугаар уулзалт ярилцлага”-ын үеэр ӨМӨЗО-ны Цахим сэтгүүл зүйн байгууллагын зүгээс шинэ тутам хөгжиж байгаа цахим хэвлэл мэдээллийн хэрэгслийн хүрээнд хоёр улсын хооронд мэдээлэл солилцох, хамтран ажиллах, хамтарсан мэдээллийн вэб сайт байгуулах тухай асуудлыг дэвшүүлэн тавьсан юм.
Манай сэтгүүлчдид ӨМӨЗО-ны Ордос хотын бүтээн байгуулалт болон дэлхийд алдартай Монмилк /Мengniu/ үйлдвэртэй танилцсан юм. Тус үйлдвэр нь 1998 онд анх жижигхэн мухлагт байгуулагдаж байсан бол өдгөө дэлхийн нийт хүн амын сүүний хэрэглээний 4 литр тутмын 1 литрийг нь дангаараа хангадаг Мега үйлдвэр болж чаджээ. Үйлдвэрийн бүхий л үйл ажиллагаа нь автомжуулагдсан нь хүний хөдөлмөрийг хөнгөвчилсөн төдийгүй хүнээс хамааралтай алдаа гарахаас бүрэн сэргийлсэн үйлдвэр болсон байна.
Монголын сэтгүүлчдийн баг Ордос хот орж Их эзэн Чингис хааны онгонд хүндэтгэл үзүүлээд дараа нь шинэ тутам хөгжиж байгаа Ордос хотын бүтээн байгуулалттай танилцсан юм.