Энгэрт ганц өвс ганхалздаг бил үү
Тэнгэрт ганц од гялталздаг бил үү
Ганцаас орчлон бүрддэг бил үү
Ганц, ганц, ганц
Хаан нэг л хэрэгтэй юм бол
Хамаг Монголын Чингис л биз
Харанхуй нэг л хэрэгтэй юм бол
Түнэр битүү шөнө л биз
Амраг нэг л хэрэгтэй юм бол
Амьдралын түшиг нь хань чинь л биз
Алдар нэг л хэрэгтэй юм бол
Ард түмний дуучин л биз
Ус нэг л хэрэгтэй юм бол
Хатан тунгалаг Туул минь л биз
Ургамал нэг л хэрэгтэй юм бол
Анхилуун тансаг арц л биз
Хамтлаг нэг л хэрэгтэй юм бол
Хас хээтэй “Хар сарнай” л биз
Дуу нэг л хэрэгтэй юм бол
Дуулж байгаа “Ганц ” л биз
Гэвч, гэвч, гэвч
Энгэрт ганц өвс ганхалздаггүй
Тэнгэрт ганц од гялталздаггүй
Ийм л байна даа, найзууд аа
