Урлаг.мнУрлаг.мн
  • Дуу хөгжим
  • Театр
  • Хөгжим
  • Утга зохиол
  • Язгуур урлаг
Facebook Twitter Instagram
Урлаг.мнУрлаг.мн
  • Дуу хөгжим
  • Театр
  • Хөгжим
  • Утга зохиол
  • Язгуур урлаг
Facebook Twitter Instagram
Урлаг.мнУрлаг.мн
Урлаг.мн»Утга зохиол»Эмэгтэй хүнийг өмөөрхүй /Шүлэг/
Утга зохиол

Эмэгтэй хүнийг өмөөрхүй /Шүлэг/

Урлаг Урлаг26/09/2016Сэтгэгдэл байхгүй2 минут уншина
Facebook Twitter LinkedIn Имэйл Telegram WhatsApp
27j02qddecupbjbjdrhhfs5tpj_500x5004485826142016-09-26-16-47[www.urlag.mn].jpg
Share
Facebook Twitter LinkedIn Pinterest Имэйл

Бурханы унагасан шорвог нулимасны амт нь болж ирсэн 
Будант хүйтэн хорвоог чимэх гэж нарнаас тасарч цацарсан 
Хорвоо дэлхийн зүрхэн дэх мөнхийн мөсийг хайлуулагч 
Ховорхон заяанд ирсэн эмэгтэй хүнийг хайрлаж чаддаггүй хүнд би дургүй 
Зовлонг өөртөө үүрч жаргалыг чамд өгөхдөө инээж л суудаг тэр 
Зөвхөн өөрийгөө бодож орчлонд амьдарсан түүхгүй ээ 

Гашуун амтыг танхил биеэрээ залгилж шим шүүсийг нь чамд өгөхдөө 
Ганцхан удаа ч болов тэр харамсаж сураагүй нь хувь заяа 
Бурхан чамайг боолчил гэж эмэгтэй хүнийг заяасан юм биш 
Бусдаас доогуур ухаантай болхоороо тэсэж амьдар гэж тушаасан ч юм биш 
Чиний удмыг залгуулахаас өөрийг чаддагүйдээ ч тэр биш ээ 
Чамайг өөрийг чинь чадахгүй болохоор л бодь заяанд төрсийм тэд 

Номхон амьдралаар амьдрахдаа чиний үүрээгүйг үүрээд нугараагүй юм 
Намуун дөлгөөн байхдаа чамайг нэг ч удаа буруутгаагүй юм 
Эр хүн шиг эр хүн байгаасай гэхдээ чамд гомдоллоогүй амьдарсан 
Эр хүн байж чадаагүй ч сайхан амьдраарай гээд нулимсаа ханцуйндаа нуусан 
Зурсан зураг шиг төрсөн хирнээ зураг амьдарч чаддаггүйм тэд 
Зуун зууны турш эрчүүд та нар хайрлаж чаддаггүй болохоор л тэр 

Цээжээ дэлдэж чи өнөөдөр эмэгтэй хүнийг муулсан гэвч 
Цэцэн ухааных энд хэдэн төрөлдөө ч хүрэхгүй 
Ээж чинь охин чинь эхнэр чинь гэж би чамайг харалган зэмлэхгүй, гэхдээ 
Эмэгтэй хүний эрдэнэ шиг заяаг өмөөрөн байж би чамайг зэмлэнэ 
Эрлэгийн үүдэнд очихдоо энгэрийнхээ нулимсанд живэхийн оронд 
Энэ төрөлдөө амжиж эмэгтэй хүнийг хайрла 

Магад чамаас илүү ухаантан хорвоод үгүй мэт санагдаж болно 
Маргааш гэхдээ хорвоо толгойг чинь шоолонгуй тоншино 
Магад хэзээ ч чи эмэгтэй хүнийг ойлгохгүй хайрлахгүй байж болно 
Маргааш гэхдээ хорвоо хувь заяаг чинь дооглонгуй чичлэнэ.. 

Хуваалцах. Facebook Twitter Pinterest LinkedIn Tumblr Имэйл
Урлаг
  • Вэбсайт

Төстэй нийтлэл

Утга зохиол Урлаг

Монголын зохиолчид Бээжин хотод уншигчидтай уулзлаа

20/06/2025
Утга зохиол Урлаг

“Яруу найргийн үдэш” арга хэмжээ зохион байгууллаа

12/06/2025
Утга зохиол Урлаг

Төрийн шагналт, Ардын уран зохиолч С.Эрдэнийн бүтээлүүдийг АНУ-ын Конгрессын номын санд тавилаа

05/06/2025

Сэтгэгдэл хаалттай

Сүүлд нэмэгдсэн

Бүжгийн тэмцээнд түрүүлсэн баг “Changwon K-Pop World” фестивальд оролцоно

21/06/2025

“Gallagher” хөрөг дуудлага худалдаанд очлоо

20/06/2025

“Squid Game” цувралын гуравдугаар бүлэг Нью-Йорк хотноо дэлхийн нээлтээ хийлээ

20/06/2025

Монголын зохиолчид Бээжин хотод уншигчидтай уулзлаа

20/06/2025

“Чимээгүй хотын жолооч” кино шилдэг найруулагч, шилдэг жүжигчний шагнал хүртжээ

20/06/2025
Дараахи
Facebook Twitter Instagram Pinterest
  • Бидний тухай
  • Холбоо барих
© 2009-2025 зохиогчын эрх хуулиар хамгаалагдсан.

Хайх утгаа бичээд Enter дарна уу. Болих бол Esc дарна уу.