Сармис нь дурын хоолонд амтлагч болгон ашиглагдахаас гадна олон төрлийн ид шидтэй. Харин тэр дундаас бас нэгэн гайхалтай үйлчилгээг нь танд санал болгох гэж байна. Ханиад томуу тусвал сармис сайн гэж хүн бүр мэднэ. Харин ийм үед өөр байдлаар бас ашиглаж болдог байна.
Хөнгөн ханиад хүрэх эсвэл урьчилан сэргийлэх зорилгоор сармисыг чихэндээ байрлуулдаг гэнэ. Үүний тулд нэг хумс сармисыг цэвэрлээд чихэндээ яг л чихэвч зүүж байгаа мэт тогтооно. Харин чихэндээ хэтэрхий гүн оруулах гэсний хэрэггүй, учир нь хэнгэрэг гэмтэх аюултай.
Мөн толгой өвдөх, халуурах үед чихэндээ сармис хийвэл халуун бууж толгойны өвчин намддаг байна.
Хамгийн сонгодог арга бол хөвөнд сармисны шүүсийг шахаж шингээгээд чихэндээ тавих юм. Гэхдээ эхний арга бол өөрт арай тухтай байдаг. Та өөртөө аль тохирохыг нь хэрэглээрэй. Чанарын хувьд ялгаа байхгүй. Хүсвэл шөнийн турш чихэндээ байлгана. Сармисанд агуулагдах аминдэм, эрдэст бодисууд нь ханиад болон үрэвсэлтэй тэмцэх чадвартай байдаг.
Нэг зүйлийг анхааруулахад 2-3 хоног хэрэглээд үр дүнгүй, ханиад зүгээр болохгүй, өөр шинж тэмдгүүд ихсээд ирвэл заавал эмчид хандаарай. Энэ аргыг дөнгөж ханиад томуу тусаж эхлэх эсвэл урьчилан сэргийлэх зорилгоор хэрэглэвэл илүү үр дүнтэй байдаг.
