АНУ-ын нэр хүндтэй “The New York Times” сонин Бүгд найрамдах намаас нэр дэвшигч Д.Трампын ялах магадлалыг анх удаа 50 хувиас илүү буюу 59 хувьтай гэж тооцжээ. Тус сонины судалгаа өмнө нь үргэлж Ардчилсан намаас нэр дэвшигч Х.Клинтоны талд гарч байсан юм. Одоогийн байдлаар Д.Трамп 139, Х.Клинтон 104 саналтай яваа билээ.
Сонгуулийн эцсийн дүн ирэх сарын 19-нд гарч, 2017 оны нэгдүгээр сарын 6-нд Конгресс сонгуулийн үр дүнг эцэслэн батлах юм. Харин Ерөнхийлөгчийн тангараг өргөх ёслол нэгдүгээр сарын 20-ны өдөр болохоор товлогджээ.
