Исгэлэн жимснүүд болох Киви хамтлаг тунчиг сонин ихтэй байгаа юм. Гурван өнгийн хослол болсон үзэсгэлэнт бүсгүйчүүдийн хоёр ч гишүүн бүл нэмэхээр хүлээж байна. Ойрын эх сурвалжийн мэдээлснээр шинэ жилийн энэ өдрүүдэд хамтлагаараа хүлээн авалтанд оролцох боломжгүй болжээ. Учир нь зөөлөн бор Намуунаа тун удахгүй амаржиж, ээж болох гэж байна. Түүний сонгосон эрхэм залуу хэн болох нь тодорхойгүй байгаа юм. Тун удахгүй бид бүгд танилцана гэдэгт итгэлтэй байна.
Мөн хамтлагийн ахлагч Ука жирэмсэн бөгөөд 2 дахь хүүхдээ хүлээж буй аж.
Гарч ирсэн цагаасаа өвөрмөц дүр төрхтэй гишүүдийн бүрэлдэхүүн олны анхаарлыг татаж чадсан. Монголын рок поп урлагийн ертөнцөд "Киви" хамтлаг нь чамгүй ачааг нуруундаа үүрдэг билээ.
Ингээд хорвоогийн жамаар ээжүүд болж буй үзэсгэлэнт бүсгүйчүүддээ сонсогч, фенүүдийнх нь өмнөөс аз жаргал, хамгийн сайн сайхан бүхнийг хүсэн ерөөе!
М.Буянжаргал
Cityinfo.mn
