Нэрийг минь та мэдэхгүй байж болно оо
Нэг л өдөр та түүнтэй учирч мэднэ ээ
Нэхэл хатуу энэ албын албин бичил дайснуудаас
Нэг л амьдрах насыг тань авран үлддэг өрлөгүүд билээ
Мэс нь хурц, гар нь уран
Зориг шулуун, зүрх нь зөөлөн
Мэргэн онош, гүнзгий мэдлэг
Увидаст бүхнийг өвлөн төрсөн
Миний төлөө, таны төлөө ганцхан амьдрах насаа зольсон
Мэс засалч алдартай авралт догшин бурхад минь ээ
Үйл нь хэдий хатуу зарчимтай ч гэлээ
Үр нь таны зовлонг хөөж жаргал авчирна аа
Үхэл сэхлийн дэнсэн дээр арга тасран ирэхэд тань
Үлдэх эрхийг олгоно оо, алтан гартай өрлөгүүд билээ
Мэс нь хурц, гар нь уран
Зориг шулуун, зүрх нь зөөлөн
Мэргэн онош, гүнзгий мэдлэг
Увидаст бүхнийг өвлөн төрсөн
Миний төлөө, таны төлөө ганцхан амьдрах насаа зольсон
Мэс засалч алдартай авралт догшин бурхад минь ээ
Гай хаанаас ирэхийг та бид мэдэхгүй
Гаслан хэзээ нүүрлэхийг тааж хэлж чадахгүй
Гамшигт өртсөн үедээ цаг алдалгүй хандвал
Гарцаагүй таныг аврах цагаан нөмрөгт өрлөгүүд билээ
Мэс нь хурц, гар нь уран
Зориг шулуун, зүрх нь зөөлөн
Мэргэн онош, гүнзгий мэдлэг
Увидаст бүхнийг өвлөн төрсөн
Миний төлөө, таны төлөө ганцхан амьдрах насаа зольсон
Мэс засалч алдартай авралт догшин бурхад минь ээ
