Украины “амьд барби” хэмээх бүсгүйтэй зэрэгцээд “амьд Кен хүүхэлдэй” Родриго Алвес гэгч эр дэлхий даяар танигджээ.
33 настай хүүхэлдэй эр гоо сайхны үйлчилгээ хийлгэсээр л байна. Хамгийн сүүлд тэрбээр ботокс болон филлер үйлчилгээ хийлгэжээ.
Үүнээс өмнө Родриго 398 мянган паундыг 57 гоо сайхны хагалгаанд зарцуулаад байсан юм.
“Өөрийн бүх л боломжоороо төгс хүн болохын тулд хичээнэ” хэмээн ярьж байсан Родриго өдгөө гоо сайхны хагалгаанд донжээ.
Ахин нүүрэндээ болон биедээ мэс хүргэх шаардлагагүйг, хэрэвзээ гоо заслын ширээг сонгох аваас хэрээс хэтэрнэ гэдгийг түүний өмнөх зургууд батлан харуулна.
Амьд хүүхэлдэй Алвесын өнөөдрийн төрх өмнөхөөсөө илүү хэтрүүлэгтэй болжээ.
Тэрбээр энэ царай төрх бас биеийг олж авахын тулд өөрийгөө өөрчилсөн юм. Үсний үзүүрээс эхлээд хөлийн булчингаа хүртэл өөрчилсөн байдаг.
Гоо сайхан болохын тулд биеэ сийчүүлэхээс буцаагүй түүний энэ бүх өөрчлөлт цагийн эрхээр улам бүр золиос шаардаж нэхнэ гэдэг аймшигтай.
И.МӨНХЦЭНГЭЛ
Эх сурвалж: www.zone.mn
