УДЭТ-ын залуу жүжигчин Б.Шинэбаяр аав болжээ. Өнгөрсөн онд дахин шинээр тавигдсан алдарт “Ромео Жульетта” жүжгийн гол дүрд жүжигчин Б.Шинэбаяр, О.Дөлгөөн нар тоглосон. Тиймээс ч тэд орчин цагийн Ромео, Жульетта гэгдэх болсон. Орчин цагийн Ромео Б.Шинэбаярын гэргий Г.Хандаа хэмээх бүсгүй байдаг бөгөөд энэ сарын 13-нд амаржсан байна.
Энэ тухай тэрбээр "Энэ мэдрэмж, энэ сэтгэл хөдлөл энэ цаг мөч юугаар ч сольшгүй агуу" хэмээн аав болсон анхны сэтгэгдлээ цахим хуудасдаа бичсэн байв. Энэ дашрамд дуулгахад түүний гэргий Г.Хандаа уран нугараач бүсгүй билээ.
