“ХАМТДАА СЭРГИЙЛЬЕ”
ЦАХИМ ПОСТЕРИЙН УРАЛДААНЫ УДИРДАМЖ
Зохион байгуулагч:
Засгийн газрын хэрэгжүүлэгч агентлаг Соёл, урлагийн газар
Уралдааны зорилго:
Дэлхий нийтийг цочроогоод буй шинэ төрлийн “Ковид – 19” вирусийн тархалтын нөхцөл байдалтай уялдуулан хүн амыг урьдчилан сэргийлэх, уг халдварын хор хөнөөлийг ухуулан ойлгуулах, түгээн сурталчлах, өвчний эсрэг тэмцэж буй албан хаагчдад сэтгэлийн дэмжлэг үзүүлэх.
Уралдааны сэдэв:
Энэхүү уралдаан нь сонирхогчдын болон мэргэжлийн уран бүтээлчдийн дунд нээлттэй бөгөөд “Хамтдаа сэргийлье” сэдэвт бүтээлээр оролцох юм.
Уралдаанд дараах агуулгын хүрээнд оролцох боломжтой.Үүнд:
- “Гэр гэртээ”
- “Маскаа зүүцгээе”
- “Супер баатрууд”
- “Сонор сэрэмжээ бүү алдаарай”
- “Масктай соёл”
Бүртгэлийн хугацаа:
Уралдаанд оролцох бүтээлийн бүртгэлийг 2020 оны 04 дүгээр сарын 22-ноос 05 дугаар сарын 04-ний өдөр хүртэл [email protected] цахим хаягаар /jpg, pdf файл/ хүлээн авна.
Жич:
- Бүтээл /фото, компьютер график/ нь хэвлэлийн шаардлага хангасан байх;
- 300 pixels, 297×420 mm хэмжээтэй байх;
- Ямар программ дээр хийснээ тодорхойлсон байх;
- Уран бүтээлчийн овог нэр, бүтээлийн нэр, холбоо барих утасны дугаарыг бичиж ирүүлсэн байх.
Шалгаруулах журам:
- Уралдааныг тусгайлан томилогдсон мэргэжлийн шүүгчид шүүн явуулна.
- Шалгарсан бүтээлийг 2020 оны 05 дугаар сарын 08-ны өдөр зарлаж, шагналыг 05 дугаар сарын 11-ний өдөр гардуулна.
- Шалгарсан бүтээлүүдийг “Улсын онцгой комисс”-т хүлээлгэн өгч, олон нийтэд зориулсан сурталчилгааны постер болгон түгээн сурталчилна.
- Уралдаанд ирүүлсэн бүтээлүүдээр цахим үзэсгэлэн гаргаж олон нийтэд толилуулна.
Шагналын сан:
-
-
- 1-р байр- Өргөмжлөл, мөнгөн шагнал
- 2-р байр- Өргөмжлөл, мөнгөн шагнал
- 3-р байр- Өргөмжлөл, мөнгөн шагнал
-
Уралдааны зохион байгуулалтын талаарх дэлгэрэнгүй мэдээллийг лавлах утас :
51/264944, 99065486, 99849000
-оОо-
