“The Hu” хамтлаг энэ сарын 23-ны мягмар гаригт МҮОНРТ-ээр болон цахимаар бүрэн тоглолтоо хийхээр төлөвлөж, зараа хүртэл тараагаад байсан ч тоглолтоо цуцалжээ.Тэд “COVID-19”-ийн хорионд гадаадад гацаж, байгаад өнгөрсөн сард эх орондоо ирсэн. Ингээд сонгуулийн өмнөх өдөр хандивын тоглолт хийхээр төлөвлөөд байсан ч улс төрийн шалтгаанаас үүдэн цуцалсан байна.
Учир нь сошиалд "The Hu" хамтлагийн хандивын мөнгөөр улс төрийн нам санал худалдаж авах гэж байна. Яг сонгуулийн өмнөх өдөр хандив цуглуулж байгаа нь хардлага төрүүлж байна гэх сэтгэгдэл хөвөрч эхэлсэн. Зарим нам, эвслүүд ч тус хамтлагийн тоглолтыг шүүмжилж, улстөржүүлсэн юм. Иймд "The Hu" хамтлаг тоглолтоо тодорхойгүй хугацаагаар хойшлуулах шийдвэр гаргалаа.
