Хүний амьдралын хамгийн аугаа зүйл бол “Хайр” гэдэгтэй хүн бүр санал нэгддэг. Тиймдээ ч гэгээн сайхан хайрын тухай өгүүлсэн бүхий л бүтээлүүд мөнхийн байдаг. Тэр ч утгаараа уран бүтээлч бүр өөрийн бүтээлээрээ дамжуулан мөнхрөхийн тулд хайрын тухай дуу дуулж, хөгжим тоглож, зураг зурж, бүжиг бүжиглэдэг гэлтэй. Тэгвэл миний, чиний, бидний хайрыг магтан дуулж мөнхрөхөөр дуучин Н.Ундрал хайрыг магтан дуулж олны хүртээл болгожээ.
Олон гайхалтай уран бүтээлүүдээрээ түмэн олныхоо хайр, хүндлэлийн эзэн болсон дуучин Н.Ундрал “Миний хайр” хэмээх шинэхэн уран бүтээлээ туурвиж, хайрын сайхныг дүрслэн үзүүлсэн утга төгөлдөр клипийг бүтээн үзэгч, сонсогчиддоо өргөн барьжээ.
“Миний хайр” дууны шүлгийг Д.Магсар бичсэн бол аялгууг Төрийн Соёрхолт “Харанга” хамтлагийн аргил гитарчин, хөгжмийн зохиолч, дуучин МУУГЗ Ц.Чулуунбат зохиож, хөгжмийн найруулгыг Ц.Байдраг хийжээ. Түүнчлэн тус уран бүтээлийн видео клипийг “Red Point media” продакшны хамт олон Булган аймгийн Хялганатад дүрсийг нь авч бүтээжээ. Ингээд та бүхэндээ уран бүтээл бүхнийгээ чансаатай туурвихыг эрхэмлэдэг дуучин Н.Ундралын “Миний хайр”-ыг магтан дуулсан гайхалтай уран бүтээлийг хүргэе.
