Юуны өмнө өөрийгөө товчхон танилцуулаач?
Намайг Батхуяг овогтой Батжавхлан гэдэг. Төрийн албан хаагч .Дарханаас гаралтай. Урлагийн нэр Жабари.
Урлагт яагаад орох болсон бэ?
Хүн болгонд өөрийн гэсэн хүсэл мөрөөдөл байдагтай адил надад ч гэсэн хүүхэд наснаасаа мөрөөдөж байсан нэг зүйл байсан. Тэр нь бол үргэлж мэдрэмж хөглөссөөр ирсэн хөгжим юм. Амьдралын ямар ч цаг үед хамгийн их өндөр мэдрэмж өгч байсан зүйл бол мөн л хөгжим. Хүнийг илүү өөрийнхөө дотортойгоо ойртох, өөрийнхөө ертөнцөөр бусдыг аялуулах нийгэмд, дуу хоолой болох учраас урлагт хөл тавьсан даа.
Шинэ уран бүтээлийн талаар товчхондоо?
Шинэ уран бүтээлийн талаар хүмүүс янз бүрийн сэтгэгдэлтэй байгаа. Миний болон манай багийн зорьсон зүйл бол хүн бүрд өөрийн дотоод ертөнц гэдэг хамгийн чухал мөн өөрийн гэсэн залуу хүмүүст хэв маяг, донж, хүсэл мөрөөдөл, мөн хүндлэл гэж зүйл заавал байх ёстой гэдгийг ойлгуулахыг хүссэн. Зураг авалт нийтдээ дөрвөн хоногийн турш үргэлжилсэн. HUMMER RECORDS, 976BEATZ, BLACKEYES хамтран ажилласан.
Цаашдын уран бүтээлийн төлөвлөгөө?
Бид одоо шууд уран бүтээлрүү гэхээсээ илүүтэй судалгааны шатандаа шаргуу ажиллаж байна. Гаднын уран бүтээлчид хэрхэн хөгжмийг үйлдвэрлэдэг, зах зээлд нэвтрүүлдэг ямар хөгжмийг илүүтэй хүмүүс сонирхдог. Дотоодын хөгжмийн зах зээл дээр уран бүтээлчид хэрхэн ажиллаж байгаа хөгжмийн дуугаралтууд сүүлийн үеийн хэв маяг, хандлагууд гэх мэтчилэн судалгаануудыг багаараа хийгээд явж байна. Гурав дахь уран бүтээлийг бол хоёр сарын дундуур гэхэд цацах төлөвлөгөөтэй байгаа. Гурав дахь дууныхаа ажил руу бол ерөнхийдөө орчихсон байгаа. Хоёр мянга хорин нэгэн оны төлөвлөгөө гэх юм бол нэг цомгийн ажил бол яригдаж эхэлсэн. Тэгээд сонсогчид маань цаг тухай бүрд нь бас уран бүтээлийг хараад үнэлгээ өгөөд явах байх аа гэж бодож байна аа.
Шинэ уран бүтээлийн талаар товч ярилцлага өгсөн танд баярлалаа. Цаашдын уран бүтээлд нь амжилт хүсье.
За баярлалаа. Танай хамт олонд ч гэсэн цаашдын ажилд нь амжилт хүсье. Удахгүй шинэ уран бүтээлээрээ уулзацгаая. PEACE
