Гүрээ найрагчийн шүлэг нэг сая төгрөгт хүрэв

Үндэсний ТВ-ийн хөтлөгч, сэтгүүлч Ш.Гүрбазарын бичсэн шүлэг бүрээс дуу төрж, төрсөн дуу бүхэн нь хит болдог гэвэл хилсдэхгүй биз. “Салхины хээ”, “Санааны чимээ” зэрэг орчуулж уншсан харь хүн байтугай, Монгол хүн ч сонсоод ойлгоход хэцүү  “философийн” өнгө аястай дуунаас эхлээд хүн бүхний аманд аялаастай байдаг жирийн сайхан олон олон дууны шүлэг  “үйлдвэрлэсэн” авъяаслаг найрагч.
Нэгэн цагт “Би дуучдаас мөнгө авдаггүй. Тийм ч учраас тэд миний тоглолтонд үнэгүй дуулж өгдөг” хэмээн ярьж байсан мань Гүрээ шүлгүүдээ худалддаг болсон гэнэ. Сүүлийн үед найрагч маань аав ээж, ах эгч, хайртай хүүхэн, уядаг морь, нэр дэвших гэж байгаа аймаг сумандаа зориулж дуу зохиолгоё гэсэн хүсэлтэнд маш ихээр дарагдах болсон байна. Саяхан л гэхэд өнгөтөй мөнгөтөй нэгэн эрхэм Гүрээ найрагчийн авъяас билгийг нэг сая төгрөгөөр үнэлж дуу зохиолгосон сурагтай.
А.Хэрлэнмөрөн