Энэ удаа урлагийн ертөнцөд хамтлаа амжилт, ололттой яваа ах дvvс, аав хvv хамаатнуудын сонин сайхнаас хvргэе.
Нэгэн vеийн өрсөлдөгчид “В” продакшны захирал дуучин Д.Болдыг урлагийн гэр бvлээс гаралтай гэдгийг нь хvн бvхэн мэднэ. Мөн тэрбээр “Никотон” хамтлагийн дуучин Д.Батчулуунтай эгч дvvсийн хvvхдvvд. Монголын рок, попын ертөнцөд нэгэн зэрэг гарч ирсэн уран бvтээлчид маань тус тусдаа хамтлаг байгуулан нэг нь хvнд рок тоглож, нөгөөх нь поп, арамби чиглэлээр залуусыг байлдан дагуулах болсон. Одоогоор Д.Болд тав дахь бие даасан цомгоо гаргахаар ажиллаж байна. Харин “Никитон”-ы Д.Батчулуун “Монголд миний уран бvтээлийн ойлгох хэмжээний боловсролтой хvн алга” хэмээн гомдоллоод авсан. Тэрбээр сvvлийн vед ямар нэгэн уран бvтээл хийхгvй байгаа ажээ.
Аавынхаа шийрийг хатаах хvv
Ард тvмнийхээ сэтгэлд “Равсал панз”-ын дvрээр хоногшсон жvжигчин Б.Магсаржавын бага хvv сvvлийн vеийн кинонуудад тоглох болжээ. Тvvнийг М.Наранмөнх гэдэг. “Хэцvv анги” олон ангит киноны Билгvvний дvрээр vзэгчдийн танил болсон билээ. СУИС-ийн гуравдугаар кvрсын оюутан тэрбээр саяхан “Ахан дvvс” кинонд рок залуугийн дvр бvтээсэн байна. Тvvнийг аавынхаа шийрийг хатаах хvv хэмээн vнэлдэг юм билээ. Б.Магсаржавын хувьд хамгийн сvvлд “Урагшаа залуус аа” кинонд тоглосон агаад одоогоор “X арт” продакшнтай хамтран ажиллаж байна.
С.Баасандорж Солонгост тогложээ
“Би чамд хайртай” киноны Vрлээгийн дvрд тоглосон С.Пvрэвмаагийн төрсөн дvv нь “Харш” хамтлагийн дуучин С.Баасандорж гэдгийг хvмvvс тэр бvр мэддэггvй байх. Ямартай ч монголын урлагт эгч нь дэлгэцийн бvтээлээр, дvv нь эстрадын дуугаар тодорхой хэмжээнд хувь нэмэр оруулж явна. С.Пvрэвмаа “Би чамд хайртай” кинонд тоглосны дараа бясалгалын төв ажиллуулж, урлагаас нэг хэсэг хөндийрөөд байсан. Харин “Би чамд хайртай-2″ кинонд тоглосноос хойш хэд хэдэн киноны урилга ирээд буй гэсэн. Харин “Харш” хамтлагийн дуучин С.Баасандорж саяхан Солонгост байгаа монголчууддаа уран бvтээлээ хvргээд ирсэн байна.
Урлагт “том артай” “Гурван охин”
“Гурван охин” хамтлагийн дуучин Солонгоог урлагт “том артай” хэмээн зарим хvн ярьдаг юм билээ. Тэрбээр гавьяат жvжигчин Т.Ариунаагийн эгчийнх хvvхэд гэсэн. Бага байхаасаа л Ариунаа эгчийгээ харж, урлагт дуртай болж өссөн гэдэг. Гавьяат жvжигчин Т.Ариунаа сvvлийн vед “Гайхамшигт vдэш” тоглолтынхоо шинэчилсэн найруулга дээр ажиллаж байна. Мөн уг тоглолтоо Эрдэнэт, Дархан зэрэг хотоор тоглох санаатай байгаа гэсэн. Харин “Гурван охин” хамтлагийн хувьд “Бамбино” дуундаа клип хийлгэсэн байна. Мөн ирэх сард тоглолтоо хийх төлөвлөгөөтэй байгаа гэсэн шvv.
Т.Батсайхан
