Зар сурталчилгааны бизнест хамгийн бага зардлаар хамгийн их орлого олдог бизнесийн төрөл бол рекламны дүр төрх юм.
Од болж олны танил болсноороо, өөрийн өвөрмөц бие төрхөөрөө, мөн бусдаас содон авъяас чадвараараа содон хүмүүст энэ санал ирдэг.
Дэлхийн шилдэг брэндүүд өнөө цагт хөлбөмбөгийн ододтой хэдэн сая еврогийн гэрээ байгуулан хамгийн багадаа л гэхэд 3 жил хамтран ажилладаг.
Харин Nike, Adidas гэх мэтийн спортын брэндүүд тэдэнтэй жилийн 120000-аас дээш еврогийн гэрээ хийдэг байна.
Тэгвэл Монголд хэн хамгийн өндөр дүнтэй гэрээ хийдэг вэ?
Албан ёсны тооцоо, судалгаа үгүй ч энэ жагсаалтыг дуучин Д.Болд тэргүүлдэг байна. Тэрээр зар сурталчилгааны нэг гэрээг дунджаар 10 сая төгрөгөөр байгуулдаг бол харин түүний дараагаар ТОП модель Э.Одгэрэл, Д.Пүрэвсүрэн нар чамгүй өндөр үнэлгээтэй гэрээ байгуулдаг байна.
Энэ гурван хүний хувьд зар сурталчилгааны гэрээнд 3 өөр чиг хандлага баримталдаг нь ажиглагддаг.
Д.Болдын хувьд санал тавьсан болгонтой гэрээ байгуулдаггүй бөгөөд өндөр үнэлгээтэй ганц нэг гэрээнд л гарын үсэг зурдаг бол харин ТОП модель Э.Одгэрэлийн хувьд нэг компанитай нилээд урт хугацааны гэрээ байгуулж хамтран ажилладаг нь түүний Гоёо компанитай байгуулсан гэрээндээ хэр үнэнч байгаагаас харж болно.
Э.Одгэрэлийн хувьд өмнө нь АПУ компанитай мөн 2 жилийн гэрээтэй ажиллаж байсан юм.
Тэгвэл ТОП модель Д.Пүрэвсүрэнгийн хувьд нэг удаагийн гэрээ нь тийм ч их өндөр биш хэдий ч нэг жилийн хугацаанд олон арван гэрээнд гарын үсэг зурдагаараа орлого өндөртэй рекламны дүр яах аргагүй багтаддаг гэж болно.
