“Улаанбаатар” телевизийн уралдаанаас анх олны танил болж байсан дуучин Ч.Цэлмүүн цаашдаа урлагт хүчин зүтгэхгүй гэж хатуухан мэдэгдээд байгаа билээ. Тэрээр багаасаа христийн шашны хүмүүжлээр төлөвшсөн нэгэн.
Тэгвэл бага ангийн хүүхдүүдийн “Үдийн цай” хөтөлбөрийг сайжруулах төсөл дээр ажиллаж байгаа бүсгүй урлагаас хол явахаар нэгэнт хатуу шийджээ. Үүний хажуугаар тэрээр багынхаа найзтай хуримаа хийх гэж байгаа гэнэ.
Зусланд танилцсан найз Аагий гэх залуутай тэрээр энэ оны наймдугаар сард нижгэр хурим хийхээр төлөвлөж байгаа тухай ойр дотны хүмүүсийнх нь дунд яриа гарч, Ч.Цэлмүүний хуриманд сонгох бэлгийн тухай шуугиан дэгджээ.
Ямартаа ч Монголын урлагийн салбарт өөрийн гэсэн өвөрмөц өнгө төрхтэйгээр гарч ирж анхны бөгөөд эцсийн цомгоо өлгийдсөн дуучин бүсгүй удахгүй хуримлахаар төлөвлөсөн мэдээлэл тархаад байна.
П.Сүндэр
