Тайзан дээр хэзээ ч тохитой, томоотой хувцастай гарч ирж байгаагүй дуучин Рианна саяхан болж өнгөрсөн Wireless Festival хөгжмийн наадмын үеэр олны өмнө эмээ дотоожтой гарч ирж үзэгчдийг гайхшруулжээ. Од бүсгүй үзэгчдийг чадварлагаар хөгжөөн тайзыг эзэгнэж байхдаа хэл амаа гозолзуулж байсан гэнэ. Тайзнаас өөр газар бол шал утгагүй харагдах байсан хайш яйш хувцаслалтаараа тэрээр онцгойрч байлаа. Харин гэрэлтүүлгүүд түүний өмсгөлийг дэгжин харагдуулж байсан гэнэ.
Рианна бүсгүй бие барьсан богино өмд өмссөн нь эмээ нарын өмсдөг дотоожийг санагдуулж байсан юм. Сонин янзын малгай духдуулснаас гадна тогосны өд шиг өнгөтэй нөмрөг мөрөн дээрээ тохсон байв. Дуучин бүсгүй урьдын адил тайзан дээр байдаг авьяасаа үзүүлжээ. Тэрээр дэндүү их кайф авсан тул хэсэгхэн хугацаанд үзэгчдэд цээжээ нүцгэлж орхив.
Түүний шүтэн бишрэгчид энэ гэнэтийн бэлэгт цочирдон уухайлан хашгирчээ. Эрчүүд түүнийг олны дунд орох үеэр эмзэг газруудаас нь барьж авахыг оролдож байсан аж. Иймд дуучин Рианна тэр үдшийн туршид үзэгчид төдийгүй хэвлэлийнхний анхаарлын төвд байсан гэнэ.
