Холбооны мөрдөх товчооны ажилтнууд саяхан Францын алдарт зураач Анри Матиссийн бүтээл байж болох уран зургийг олжээ. Гурван сая долларын үнэ бүхий “Улаан өмдөт зарц бүсгүй” хэмээх энэхүү зургийг сүүлийн арван жилийн туршид дэлхий даяар эрэн сурвалжилж байсан юм. Мөрдөн байцаагчид АНУ-ын иргэн П.Гусманыг Майамид баривчилсан байна. Тэд түүнийг уран зургийн зуучлагч нарт 740 мянган доллараар зарах гэж байжээ.
1925 онд бүтээгдсэн Матиссийн энэхүү зургийг 1981 онд Каракасын орчин цагийн урлагийн музей хагас сая доллараар худалдан авч байжээ. 2003 онд хар зах дээр уран зураг цуглуулагч тэрхүү зургийг худалдах гэж байгаа талаар мэдээлэл авчээ. Ингээд судалгаа шинжилгээ хийсний үр дүнд тухайн музейд хуулбар зураг нь өлгөөтэй байсан нь тогтоогдсон байна. Гэвч түүний ориг зургийг нь чухам хэзээ хулгайлсныг олж тогтоож чадсангүй.
