Наадмын нээлтийг олон жил найруулж, шүүмжлэл, магтаал хоёрыг цөөнгүй хүртсэн найруулагч Ч.Ганхуяг өнгөрсөн жил “Хязгааргүй” моно операгаар “Гэгээн Муза”-гийн ихэнх шагналыг хамж байсныг та мартаагүй байх. Тэгвэл тэрбээр уг жүжгээ БНСУ-д тоглуулахаар зэхэж байгаа гэнэ. Мөн энэ ондоо багтаан “Нохойн сүрэг”, “Ромео, Жульетта” гэсэн хоёр ч жүжиг найруулахаар төлөвлөжээ. Тэрбээр “Ромео, Жульетта”-г зөвхөн монголчуудад зориулж бус, дэлхийн театрын хамгийн том фестиваль болох Францын Авинионы наадамд оролцох зорилго өмнөө тавьсан тухайгаа ярьсан.
Тэрбээр АНУ, Орос, Францын “Ромео, Жульетта”-г үзсэн бөгөөд түүний найруулга бусдаас тэс өөр байх болно хэмээн амлажээ.
Г.Хүслэн
