“Аавдаа очмоор болох юмаа” хэмээх хит дуугаараа нийтийн дууны ертөнцөд хүч түрэн гарч ирсэн дуучин Ц.Мөнхсоёлыг мэдэхгүй хүн ховор. Дуучин бус хуульч, эрхзүйч мэргэжилтэй тэрбээр цомог гаргаж, тоглолтоо хийснээр өөрийнхөө хэр авьяастай бүсгүй болохыг харуулж чадсан гэдэг. Харин чухам юунд урлагийн ертөнцийг сонгосон нь тодорхойгүй ч энэ тухайгаа ихэд нууцалдаг юм билээ. “Цагаан уул” хууль зүйн товчоогоо хааж, хөрөнгө мөнгөө уран бүтээлд зарцуулж эхэлсэн түүний энэ шийдвэрт нөхөр нь ихэд дургүйцдэг байсан ч сүүлдээ хүлээн зөвшөөрчээ.
Алаг нүдэн дуучин маань нэгэнтээ “Хуульчаас дуучин руу урвахад амархан. Би зүгээр л сэтгэлд эгшиглэсэн дуу хуураа ил гаргая гэж бодсон. Энэ бол миний хобби биш” гэж сонирхуулсан юм. Хамгийн сонирхолтой, түүний дууг сонсох дуртай нэгэн залуу гэр бүлтэй эсэхийг нь лавлахад нэлээд сандарч тэвдсэн нь олон хүний гайхлыг төрүүлсэн аж. Уг нь тэрбээр хоёр хөөрхөн охинтой, халамжтай нөхөртэй гэдгээрээ ихэд бахархдаг төдийгүй тэднийхээ хүчинд л сонирхож, сонгосон бүхэндээ сэтгэл хангалуун явдгаа илэрхийлж байсан удаатай. Гэвч чухам ямар учраас ийм асуултанд хариулахаас татгалзсаныг фэнүүд нь тааж яджээ.
Р.Есүй
