Дорвитой уран бүтээл хийлгүй, хэсэг хугацаанд сэлгүүцэж явсан дуучин залуу сүүлийн үед хамтлаг хэсдэг ажилтай болж. Гурван жилийн өмнө тэрбээр “Маршал” гэх амьд хөгжмийн хамтлагт орж, Цэргийн баяраар хийсэн тоглолтоосоо чамгүй мөнгө халаасалсан гэдэг.
Харин чухам юунаас болсон юм, бүү мэд. Мөнөөх залуусаасаа нүүр буруулан тус тусынхаа замыг хөөж оджээ.
Чинээлэг эхнэрийнхээ хүчинд багахан хэмжээний бизнес эрхэлж буй дуучин Н.Гантулга саяхнаас “Cu Mo” гэх нэгэн хамтлагт дуулах болсон аж. Үүгээр ч зогсохгүй, нэлээд улстөржсөн шинжтэй уран бүтээл хийгээд түүнийгээ сонирхолтой клипээр дүрсжүүлжээ.
Улстөрчдийн ашиг сонирхол, улс орны таагүй нөхцөл байдал, ард түмний амьдрал ахуйг яг тэр чигээр нь чимэг, хачиргүйгээр харуулсан тэдний клипийг залуус ихэд сонирхож эхэлсэн гэх.
Үүнд нь урамшсан тус хамтлагийнхан ээлжит уран бүтээлдээ орж, олонд таниулах алхмаа хийж байгаа аж. Харин бизнесмэн дуучин маань хамтлагтаа хэр удаан дуулах бол…
Р.Есүй
