Хустайн нуруунд тоглож яваа “Домог” хамтлагийнхны талаар бид та бүхэнд мэдээлж байсан. Тэгвэл ахлагч О.Бат-Орших тоглолтынхоо талаар мэдээлэл өгсөн байна. Үүнд, “Монголд ирж буй жуулчдын бараг 80-90 хувь нь Хустайн нуруунд ирж, байгалийн цогцолборт газрыг сонирходог болохоор бид үндэсний урлагаа суртачлах зорилгоор энд ирсэн. Тавдугаар сараас хойш өдөр бүр тоглож байгаа. Цаг агаар таатай жуулчид тасрахгүй байвал есдүгээр сар дуустал тоглохоор төлөвлөж байна. Хамтлагийнхаа урын сан дахь шилдэг бүтээлүүдийг хөтөлбөртөө багтаасан” гэжээ. Тус хамтлагийнхан аялал жуулчлалын компаниудтай гэрээ хийсэн учраас Хустайн нурууг зорьж очсон гадаад, дотоодын жуулчдаас нэмэлт төлбөр шаардахгүй уран бүтээлээ толилуулж байгаа юм байна.
Д.Ундрах
