Төв аймгийн Монгол туургатан театрын ерөнхий найруулагч Ч.Ганхуяг ирэх аравдугаар сард болох орон нутгийн театр, чуулгын дунд зарласан сонгодог урлагийн бүтээлийн уралдаанд алдарт Уилльям Шекспирийн “Ромео Жульетта” жүжгийг сойхоор болжээ. Тус уралдаан нь 300 сая төгрөгийн шагналын сантай бөгөөд аймгийн театрууд дэлхийн болон Монголын сонгодог урлагийн томоохон дуурь, жүжгийг найруулан тавьж оролцох ёстой гэнэ. Уг уралдаанд зориулан найруулагч Ч.Ганхуяг “Ромео Жульетта”-г мюзикл хэлбэрээр тавих гэж байгаа бөгөөд Францын Авинионы наадамд эл жүжгээрээ мөн оролцох зорилготой байгаа ажээ. Сонирхуулахад, олны анхаарал татаад байгаа энэхүү мюзиклийн гол дүрд “Asian shop” хамтлагийн ахлагч, Монгол туургатан театрын жүжигчин П.Бат-Ундрах болон ШШГЕГ-ын дуучин, “Классик Жем” хамтлагийн гишүүн Б.Отгончимэг нар тоглох юм байна.
www.urlag.mn Ayu
