Нэгэн үе монголын урлагийн ертөнцийг өөрийн гоо үзэсгэлэнгээрээ чимж явсан жүжигчин О.Энхтуул Улаанбаатарын унаган охин бөгөөд жүжигчин С.Өлзийхүүтэй хамт дөчин мянгатад бужигнаж өсчээ. Тэрбээр С.Өлзийхүүгээсээ түрүүлж мэргэжлээ сонгосон болохоор найзыгаа жүжигчин болоход нь их нөлөөлсөн гэдэг. Мөн тэрбээр сургуулиа төгсөөд УДЭТ-д орж, алтан үеийнхнээс суралцаж, мөнгөн үеийн жүжигчидтэй хамт нэг тайзнаа гарч байсандаа сэтгэл хангалуун явдаг аж. Түүнийг ид бүтээх насандаа Герман эр дагаж харьд одсон хэмээн шүүмжилдэг ч хүүхдүүдээ том болохоор эх орондоо ирж, эргэн тайзнаа гарахаар төлөвлөж байгаа гэнэ.
Х.Өнөр
