Олон улсын эмэгтэй уран бүтээлчдийн холбооноос дэлхийн эмэгтэй уран бүтээлчдийг туршлага солилцуулах зорилгоор хоёр жил тутамд Дэлхийн эмэгтэй уран бүтээлчдийн үзэсгэлэн зохион байгуулдаг. Энэ жилийн үзэсгэлэн Вьетнам улсын Хо Ши Мин хотод болсон бөгөөд 23 орны 213 уран бүтээлч оролцсон байна. Нэр хүнд бүхий энэ үзэсгэлэнд монголоос Б.Насанцэнгэл, Б.Хонгорзул, Б.Шатарсайхан, Т.Нурмаажав, Ц.Энхтуяа, В.Ундраа, Э.Билэгт, Д.Соёлмаа, Г.Оюун, Д.Булгантуяа нар оролцсон аж.
Тус үзэсгэлэнгийн үеэр Вьетнамын Минн Лонг шаазангийн үйлдвэрээс зохион байгуулсан шаазан эдлэл дээрх зургийн уралдаанд Б.Насанцэнгэл дөрөвдүгээр байр, Э.Билэгт, В.Ундраа нар тусгай байр тус тус эзэлжээ. Анх 1993 онд Бээжинд зохион байгуулсан эл үзэсгэлэн 2014 онд Монголд болох гэнэ
