Зураач Х.Заяатын “ДОМОГ ЭХЛЭХ ЦАГ” уран бүтээлийн үзэсгэлэнгийн нээлтийн арга хэмжээ МУЭ-ийн үзэсгэлэнгийн танхимд маргааш нээгдэх гэж байна.
Арьсан урлагийн зураачдын нэг болох Х.Заяат нь энэ удаагийн үзэсгэлэндээ зориулж эртний сэдэвтэй монголчуудын мартагдсан тууль домгоор 40 бүтээл туурвисан байна. Монголчуудын нүүдэлчин амьдралын бэлгэдэл болсон үхэр тэрэг хөлөглөсөн өвөрмөц дэглэлттэй үзэсгэлэн энэ сарын 15-наас 21-ний хооронд үзэгчдийн хүртээл болох юм.
Х.Заяат нь 1973 онд МУЭ-ийн гишүүнээр элссэн бөгөөд СУИС-д 10 гаруй жил багшилж, бие даасан үзэсгэлэнгээ таван удаа гаргажээ. Мөн Герман , Солонгос, Япон, АНУ, Англи, БНХАУ, Франц, ОХУ-д гарсан үзэсгэлэнгүүдэд бүтээл нь оролцож байжээ.
М.Хангал
