Монгол урчуудын эвлэлийн үзэсгэлэнгийн танхимд зураач Х.Заяатын “Домог эхлэх цаг” уран бүтээлийн үзэсгэлэн нээгдлээ.
Арьсан урлагийн зураачдын нэг болох Х.Заяат нь энэ удаагийн үзэсгэлэндээ зориулж эртний сэдэвтэй монголчуудын мартагдсан тууль домгоор 40 бүтээл туурвисан байна.
Монголчуудын нүүдэлчин амьдралын бэлгэдэл болсон үхэр тэрэг хөлөглөсөн өвөрмөц дэглэлттэй үзэсгэлэн энэ сарын 21-нийг хүртэл үзэгчдийн хүртээл болох юм. Х.Заяат нь 1973 онд МУЭ-ийн гишүүнээр элссэн бөгөөд СУИС-д 10 гаруй жил багшилж, бие даасан үзэсгэлэнгээ таван удаа гаргажээ. Мөн Герман , Солонгос, Япон, АНУ, Англи, БНХАУ, Франц, ОХУ-д гарсан үзэсгэлэнгүүдэд бүтээл нь оролцож байсан манай шилдэг зураачдын нэг юм.
