Аавынхаа авьяасыг өвлөсөн бяцхан хүү эрийн цээнд хүрчээ. Дуучин Баярын хүү дуучин Б.Хонгор өнөөдөр хуримлана. Би сайн дуучны хүү гэхээсээ өөрийн сурч боловсроход илүү анхаарсан тэрбээр “MCS” группын харьяа "Skyresort" цанийн баазын захирал н.Батсуурийн охин Б.Анартай хуримлах гэж байна.
Дуучин Б.Хонгор цэцэрлэгийн бяцхан хүү байхаасаа урлагийн тайзтай хувь заяагаа холбосон нэгэн. Тэрбээр Эрх зүйч мэргэжилтэй бөгөөд Хятад хэлийг сайн эзэмшсэн нь бусад дуучдаас ялгарах тал бий. Түүний сүйт бүсгүй Б.Анарын хувьд гадаадад бизнесийн удирдлагаар өндөр боловсрол эзэмшсэн, даруухан бүсгүй байдаг аж.
Ямартай ч залуу хосууд маань өнөөдөр 17:00 цагт "Sky resort"-д ах дүү найз нөхөдтэйгээ найрлах гэнэ. Тиймээс өнөөдрөөс эхлэн Б.Хонгор монголчуудын хайрыг татсан эрх бяцхан хүү биш Монгол Улсад Б.Хонгор хэмээх нэгэн бүл бий болгож өрхийн тэргүүн болох нь ээ.
Н.НОМИН
