Поп дива дуучин С.Сэрчмаа сүүлийн үед уран бүтээлийн олз омог арвин байгаа.Тэрбээр шинэ уран бүтээлүүдээ туурьвихын хажуугаар өөрийнхөө нэрээр нэрлэсэн шинэхэн студи байгуулахаар ханцуй шамлан ажилдаа ороод тун ч зав зай муутай байгаа гэнэ. Монголын шилдэг эмэгтэй дуучдын жагсаалтад дээгүүрт бичигддэг түүнийг анх амжилтанд хүргэсэн хүн нь Эмоушн хамтлагийн продюссер, хөгжмийн зохиолч Б.Чинбат гэх. Тэрбээр энэ тухайгаа “Би Эмоушн хамтлагийн гоцлол дуучин байсан. Харин Чинбаагын таарамжгүй харьцаанаас болоод хамтлагаасаа хөөгдсөн. Тухайн үед би заавал нэр алдартай дуучин болно. Чинбаад ямархуу хүн бэ гэдгээ харуулна гээд л урлагт зүтгэсэн юм. Түүний ачаар л өдий зэрэгтээ амжилтанд хүрсэн гэж боддог” хэмээн ярьжээ. Мөн тэрбээр Б.Чинбаад нэлээд гомдож байсан бөгөөд тэр үед их л зэвүүцэж байсан хэмээн ярьсан байна.
