“Take That” хамтлагаас гаралтай, дэлхий нийтэд өөрийгөө таниулж чадсан дуучин Робби Уильямс анхныхаа хүүхдийг өлгийдөн авах тун дөхсөн байна. Тэрбээр саяхан энэ тухайгаа “Twitter”-ээ бичжээ.
38 настай дуучин залуу АНУ-ын жүжигчин Айда Филдтэй амьдрах болсон юм. Жүжигчин бүсгүй энэ хавар жирэмсэн болсноо зарлажээ. Хосууд 2006 оноос хойш харилцаа холбоотой болсон бөгөөд 2010 оноос Холливудын Беверли Хиллст хамт амьдрах болсон аж.
Робби Уильямс “Twitter”-тээ “Би шинэ хүнээ угтаж авахдаа бэлтгэж байгаа. Би түүнийг хүлээж тэсэхгүй нь” гэжээ. Түүний анхны хүүхэд нь охин юм байна.
Дуучин залуу эрч хүчтэй, залуу харагдахын тулд сүүлийн үед бодибилдингээр хичээллэх болжээ. Учир нь алдартнууд эцэг эх болсныхоо дараа өөрийгөө гаргуунд нь хаях тохиолдол элбэг байдаг хэмээн британи эр нэгэн хэвлэлд өгсөн ярилцлагадаа дурджээ.
Лондоны олимпийн хаалтын ёслолд “Take That” хамтлагийнхан дуулсан. Гэвч Робби Уильямс оролцоогүй бөгөөд тэрбээр удахгүй нярайлах эхнэрээ халамжилж байгаа гэдэг шалтгаанаар оролцохоос татгалзсан байна.
Т.Арьяа
