Хорвоогийн хамаг явдлыг хоёрхон чавхдаст багтаадаг хэмээн монголчууд морин хуур хөгжмөөрөө бахархдаг. Тэгвэл морин хуур хөгжмийн бас нэгэн гайхамшгийг мэдрүүлэхээр Морин хуурын чуулгынхан “Morin khuur & Grand opera” тоглолтын бэлтгэлээ базааж байна. Хөгжимд дурлагчдын сонирхлыг татаад байгаа уг тоглолтод морин хуураар дэлхийн сонгодгуудыг эгшиглүүлэх бөгөөд ДБЭТ-ын гоцлоочид хуурын татлагын аясаар дэлхийн сонгодог дууриудын хэсгээс дуулах аж.
“Morin khuur & Grand opera” тоглолтын хөтөлбөрийн зах зухаас дэлгэхэд, гавьяат жүжигчин С.Мөнгөнцэцэг “Трубадур” дуурийн Tu vedrai che I’amore in terra, “Ламбугайн нулимс” дуурийн Цэрэнлхамын ари, соёлын тэргүүний ажилтан Ө.Уянга “Увидаст лимбэ” дуурийн Гилбэрийн хатан, “Чио Чио Сан” дуурийн Эрвээхэй хатагтайн ари, “Чингис хаан” дуурийн Хадааны ариоза, дуучин Б.Гомбо-Очир “Чио Чио Сан” дуурийн Пинкартон, “Сонин хангай” романс, гавьяат жүжигчин Г.Ариунбаатар “Фигаро” дуурийн Каватино, “Чиний минь нулимс” романс, соёлын тэргүүний ажилтан Ч.Энхтайван “Кармен” дуурийн бухтай тулалдагч, “Трубадур” дуурийн Ди Лунагийн ари, соёлын тэргүүний ажилтан Р.Доржхорлоо “Кармен” дуурийн “Хабанера”, “Чингис хаан” дуурийн Өэлүн эхийн арийг дуулах аж.
