“Помогите нам-1,2” инээдмийн уран сайхын цуврал кино үзэгчдийн хүртээл болж, мэргэжлийнхэн болон үзэгчдээс сайн гэсэн үнэлгээ авсан билээ. Тэгвэл тус киноны гуравдугаар анги буюу “Помогите нам-3”-ыг 3D форматаар хийсэн тул маш сонирхолтой гэнэ. Киноны үйл явдал өмнөх ангиудад Сибирийн тайга, галт тэрэг, Монголын говьд өрнөж байсан бол энэ удаа Хөвсгөл далайгаас тусламж хүсэх ажээ. Харин гол дүрийн жүжигчдийн хувь нэлээд өөрчлөлт орж шинэчлэгдсэн бөгөөд Соёлын тэргүүний ажилтан М.Саранцэцэг, “Захиалгат инээд” хамтлагийн Адъяа нарын цөөхөн жүжигчид энэ ангид тогложээ. “Помогите нам-3”-ын кино зохиолыг Ш.Даваадорж бичиж, найруулсан байна.
