Орчин үед ном унших үйл ажиллагаанд хүртэл техник технологиуд нэвтэрч эхэллээ. Энэ нь мэдээж ном унших дургүй болсон өсвөр насныхны анхаарлыг татах байх гэж найдаж байна. Тэр тусмаа хүнд боть номнуудыг эргүүлж, хэдэн өдрөөр унших нь маш төвөгтэй гэж бодож байгаа хүмүүст сонирхуулахад Infinitely Adjustable Reading Valet бүтээгдэхүүнийг танилцуулж байна. 2 кг хүртэлх жинтэй номыг таны хүссэн өнцөгөөр өргөх энэ бүтээгдэхүүн интернет дэлгүүрүүдэд 99,95 доллараар зарагдаж байна.
Жижиг хэмжээтэй номыг уншихад хэцүү байна уу. Эсвэл таны ойрын хараа муу юм биш биз. Мөн бяцхан хүүхдүүд болон хөгшин настай хүмүүст зориулж гаргасан Wireless Page To TV Magnifier хэмээх бүтээгдэхүүн гарчээ. Энэ нь хэвийн хэмжээтэй материалыг 20-70 дахин томоруулж зурагтын эсвэл компьютерийн дэлгэц дээр харуулдаг ажээ. Үнэ нь 399,95 доллар.
Одоо үед танд номын дэлгүүр орж ном худалдан авах шаардлага үгүй болж байна. Танд зүгээр PocketBook байхад болно. Энэ жижиг компьютерээр та дуу сонсож, кино үзэж, тоглоом тоглохоос гадна асар их хэмжээтэй электрон номын сангаас хүссэн номоо татаж аваад унших боломжтой ажээ. Үнэ нь 12 750 рубль юм байна.
«Таньтай хамт үргэлж гэрэлтүүлнэ» гэсэн өвөрмөц уриатай Hands Free Over Ear Book Light бүтээгдэхүүний үнэ 24,95 доллар юм байна. Харааны түвшинтэй зэрэгцэн байрлах энэ гэрэл нарны зай хураагууртай бөгөөд нэг цэнэглэлтээрээ 25 цаг ажиллах ба хүссэн газарт чинь таны уншиж байгаа номыг гэрэлтүүлэх үүрэгтэй аж.
Зөвхөн өөрт таалагдсан нэг зурагнаас болж бүхэл бүтэн ном худалдаж авах нь хэцүү байх тохиолдол байдаг. Хэрвээ танд ийм тохиолдол учирдаг бол The Portable Handheld Scanner -ийг худалдаж авахыг зөвлөж байна. Энэ гар сканерын тусламжтай хүссэн мэдээллээ хормын зуурт л өөрийн болгох боломжтой. Ингээд USB-гийн тусламжтайгаар компьютерт оруулаад боллоо. Энэ сканер татаж авсан материалаа JPEG форматтайгаар хадгалдаг ба хоёр батарейгаар 180 зураг сканерддаг. Үнэ 99,95 доллар.